Қашықтан орнату тапсырмасында құрылғыларды қайта жүктеуді басқару
Жиі қолданбаларды қашықтан орнатуды аяқтау үшін (әсіресе Windows платформасында) құрылғыны қайта іске қосу қажет.
Егер Kaspersky Security Center бағдарламаларды қашықтан орнату тапсырмасы қолданылса, жаңа тапсырма жасау шеберінде немесе жасалған тапсырма сипаттарының терезесінде (Операциялық жүйені қайта іске қосу бөлімі) Windows операциялық жүйесі бар құрылғыны қайта іске қосу қажеттілігінде әрекеттің нұсқасын таңдауға болады:
Құрылғыны қайта іске қоспау. Бұл жағдайда автоматты қайта іске қосу орындалмайды. Орнатуды аяқтау үшін құрылғыны қайта іске қосу керек (мысалы, қолмен немесе құрылғыларды басқару тапсырмасы көмегімен). Қайта іске қосу қажеттілігі туралы ақпарат тапсырманы орындау нәтижелерінде және құрылғы күйінде сақталады. Бұл нұсқа серверлерге және үздіксіз жұмыс критикалық түрде маңызды басқа құрылғыларға орнату тапсырмалары үшін қолайлы.
Құрылғыны қайта іске қосу. Бұл жағдайда, егер қайта іске қосу орнатуды аяқтау үшін қажет болса, қайта іске қосу автоматты түрде орындалады. Бұл нұсқа жұмыста мерзімді үзілістерге жол берілетін (сөндіру, қайта іске қосу) құрылғыларға арналған орнату тапсырмаларына қолайлы.
Пайдаланушыдан әрекетті орындауды сұрау. Клиент құрылғысының экранында құрылғыны қолмен қайта жүктеу керек деген хабар пайда болады. Бұл нұсқа үшін қосымша параметрлерді конфигурациялауға болады: пайдаланушыға арналған хабар мәтіні, хабардың жиілігі, сондай-ақ қайта жүктеу мәжбүрлі түрде орындалатын уақыт (пайдаланушының растауынсыз). Пайдаланушыдан әрекетті орындауды сұрау нұсқасы пайдаланушылары қайта іске қосу үшін анағұрлым қолайлы сәтті таңдау мүмкіндігіне ие болуы тиіс жұмыс станцияларына анағұрлым қолайлы.